ဒီမိုကရေစီအလေ့အထဆိုတာ ပြည်သူလူထုရဲ့ အကျိုးစီးပွားနဲ့သက်ဆိုင်တဲ့ ကိစ္စရပ်တွေကို ဆောင်ရွက်တာ ဒါမှမဟုတ် ပြဿနာတွေကို စုပေါင်းဖြေရှင်းရာမှာ လိုက်နာကျင့်သုံးရမယ့် မူတွေပဲဖြစ်ပါတယ်။ တစ်ဦးနဲ့ တစ်ဦးကြား မတူညီတဲ့ အကျိုးစီးပွားတွေအပေါ်   နားလည်လက်ခံနိုင်ခြင်း၊ သက်ဆိုင်ရာ လူ့အဖွဲ့အစည်းရဲ့ ဘုံအကျိုးစီးပွားအတွက် ဆွေးနွေးညှိနှိုင်းခြင်းနဲ့ အပေးအယူလုပ်ခြင်း၊ အများသဘောတူ ဆုံးဖြတ်ချက်ချခြင်းစတဲ့ အချက်တွေဟာ ဒီမိုကရေစီစနစ်ရဲ့ အခြေခံအလေ့အထတွေပဲဖြစ်ပါတယ်။ ဒီမိုကရေစီမဟုတ်တဲ့ နိုင်ငံတွေမှာတောင် ပြည်သူတွေက မိမိတို့ရဲ့ လူမှုပတ်ဝန်းကျင်ထဲမှာ ဒီမိုကရေစီအလေ့အထတွေကို ကျင့်သုံးနိုင်ပြီး ကျင့်သုံးဖို့အတွက် လုပ်ဆောင်နိုင်တဲ့နည်းလမ်းတွေအကြောင်း ဒီဗီဒီယိုလေးမှာ ပြောပြထားပါတယ်။